ఓ క్రైస్తవుడా

పల్లవి :ఓ క్రైస్తవుడా - సైనికుడా - బలవంతుడా - పరిశుద్ధుడా 

         కదలిరావోయ్ - నీవు కదలిరా 

         జాలరి మనుష్యుల పట్టు జాలరీ ... ఆత్మల కాయు కాపరీ 

         అమృతమంధించే ఆచారీ యేసుకై జీవించే పూజారి 

     1. సిలువే నీ స్థావరము - శ్రమలే నీ సైన్యము 

         సహనమే నీ ధైర్యము - సాక్ష్యమే నీ సైన్యము  "క్రై" 

     2. త్యాగమే నీ క్షేమము - ప్రార్థనే నీ యవ్వనము 

         వాక్యమే నీ బాణము - విశ్వాసమే ఉద్యమము "క్రై"

     3. సత్యమే నీ గమ్యము - సమర్పనయే నీ శీలము 

         యేసే నీ కార్యక్రమము - ప్రేమే నీ పరాక్రమము  "క్రై"

     4. దేశంలో విదేశం లో - గ్రామంలో కుగ్రామంలో 

         అడవులలో కొండలలో - పనిఎంతో ఫలమెంతో "క్రై"

     5. జయించి లే శరీరాన్ని - ధరించుకో శిరస్త్రాన్ని 

         బంధించు విషపు సర్పాన్ని - బోధించు యేసు పథకాన్ని "క్రై"

     6. సిద్ధాంతపు గట్టు దుమికిరా - సాకులనే మెట్టులు దిగిరా 

        దీనుడా కాదు ధన్యుడా - విదేయుడా అజేయుడా  "క్రై"

    7. వాగ్దానపు భూమి స్వతంత్రించుకో - అధ్వాన్నపు అడవి

        దాటి ముందుకు పో 

        నీ ఇల్లే పెనూయేలు - నీ పేరే ఇశ్రాయేలు  "క్రై"

    8. సంఘమే నీ రంగ స్థలం - సహవాసమే నీ స్థానము 

        ఏసే  నీ నాయకుడు - శుద్దాత్ముడే దర్శకుడు  "క్రై"